Sälbergmacht`s Chürbis Süppli mit em ne Niese Chnobli Brötli 
7.50

Gemschpfäffer vor Sunnsyte Gibe mit der ganzä sälbergmachte Entourage
37-


GROSSI und chlini Vermicelles mit Allem
12.- / 9.-



IMG 20160917 WA0000







......EIFACH SO ZUM ZVIERI:

Gnuschtäller mit Hobelchäs, Wildtrochewurscht, Rohschinke und Trochäfleisch.
Derzue git's früschi Züpfä.
23.-


speisegedeck


ÜSI WIRTSCHAFT:

Ufem Rossberg schteit d`Wirti im Mittelpunkt. Sie schtellt sech das folgendermasse vor:

1). Ichere tüe prinzipiell ALLI. (Usser d`Superduble, aber die hei die meischtä sälber gmerkt, dass sie nimme bruchä z`cho).

2). Nach Müglechkeit sötti der Gascht öppis z`verzellä ha. Äs muess aber durchus nid zwingend immer d`Wahrheit si.

3). Mä cha o nume d`Ohre ufschperrä, die wärde zuesätzlech mit Musig beschallt. Der Musiggschmack vor Wirti isch aber zu kem Zytpunkt a z`zwieflä.

4). Erwarte sött mä bi üs nid z`viel, sondern Früd ha a dem wo chunnt. Die Mitarbeitende si zu jedere Zyt us voller Bruscht z`rüehmä.

5). Gschmorts und Bratinigs wellä ohni Voramäldig geit darum nid. Heisst aber nid, das mä dessetwäge verhungeret. Usem Gwand gheit isch ufem Rossberg no niemer. -Und süsch wäri är sälber d`schuld!

6). We mä öppis g`ässe het, louft me derna nid grad sofort dervo, sondern me blibt hockä. (Siehe Punkt 2).

7). Will mä mit trochnigem Mul nid so guet cha lafere, bietet d`Wirti allergattig zum Befüechtä vor Zungä.

8). Gruppä chönne o cho, (mir hei nämlech no meh ufem Chaschte als Ichere, mir fröne o am Frömdevercher; Siehe ÜSI ÜBERNACHTIGSMÜGLECHKEITE), müesse sech aber a d`Pünkt 1-7 halte.